Zeqiri: Zyrtarët policorë në muajin shkurt kanë marrë pagat pa shtesat për rrezikshmëri
Kryetari i Sindikatës së Policisë së Kosovës, Imer Zeqiri në emisionin “Tempus” në KTV, tha se me Ligjin e Pagave, zyrtarët policorë pagat e muajit shkurt i kanë marrë pa shtesat për rrezikshmëri.
Ai deklaroi se kanë atakuar një sërë pikash të Ligjit për Paga në kohën kur ai ishte ende Projektligji, duke përfshirë edhe pjesën e shtesave për rrezikshmëri për zyrtarët policorë.
“Neve aty kemi atakuar nenin 26, sa i përket sa i përket kushteve për shtesat specifike të punës dhe rrezikshmërisë së punë në Policinë e Kosovës, e që kemi vlerësuar se këtë shtesën e rrezikshmërisë ashtu siç ishte ajo pakënaqësia e madhe, sepse për muajin shkurt zyrtarët policorë e kanë marrë rrogën pa shtesën për rrezikshmërinë. E që neve po vlerësojmë kështu që nuk ka asnjë Polici po më duket as në rajon ndoshta edhe më gjerë që policinë e kanë pa rrezikshmëri dhe vërtet shtesën e rrezikshmërisë këta mund ta heqin, por rrezikun te polici nuk ka mundësi me heq sepse çdo zyrtar policor me autorizimet policore është në punë 24 orë, obligim ligjor e ka të intervenojë në çdo incident që hasë pavarësisht a është ne orar të rregullt të punë apo jashtë orarit të rregullt”, theksoi Zeqiri.
