Xiaomi kishte prezantuar laptopin e tij Mi Notebook Air vitin e kaluar në versionet prej 12.5 dhe 13.3 inç.
Kompania vendosi që të mos publikojë modele të reja të laptopit, por vetëm që versioni 12.5 inç të marrë përditësimin e harduerit.
Xiaomi Mi Notebook Air prej 12.5 inç tash ka procesor Intel Core m3, i bazuar në arkitekturën Kaby Lake, transmeton kp. Ky përditësim sjell përmirësim prej 12 për qind në krahasim me gjeneratën e kaluar të laptopëve, e cila ka pasur procesorët Skylake.
Krahas përditësimit të procesorëve, përdoruesit tash mund të blejnë edhe Xiaomi Mi Notebook Air prej 12.5 inç me 256 GB memorie të brendshme. Modeli me 128 GB memorie të brendshme edhe më tej është i qasshëm.