Vendeve të BE-së u kërkohet të rrisin mbrojtjen kundër hakerëve shtetërorë

Vendet e Bashkimit Evropian duhet të forcojnë mbrojtjen e tyre kundër sulmeve kibernetike në infrastrukturën financiare, pasi lufta në Ukrainë rrit rrezikun e harkimeve nga fuqitë e huaja, ka thënë të martën mbikëqyrësi i rrezikut sistemit të bllokut, raportoi Reuters.

Shtetet evropiane po punojnë për të mbrojtur infrastrukturën e tyre energjetike nga sulmet fizike, por Bordi Evropian i Rrezikut Sistemik (ESRB), ka thënë se duhet bërë më shumë kundër luftës kibernetike ndaj institucioneve financiare dhe rrjeteve të telekomunikacionit e rrjeteve të energjisë, në të cilat ata mbështeten.

"Lufta në Ukrainë, peizazhi më i gjerë gjeopolitik dhe përdorimi në rritje i sulmeve kibernetike kanë rritur ndjeshëm mjedisin e kërcënimit kibernetik. Ekziston një rrezik në rritje i sulmeve kibernetike ndaj sistemit financiar të BE-së nga shtetet ose aktorët e sponsorizuar nga shteti", është thënë nga ESRB në një raport.

Në mënyrë të veçantë, mbikëqyrësi tha se autoritetet kombëtare duhet të fillojnë të kryejnë teste dhe analiza të ndikimit, duke përdorur mjete të zhvilluara nga ESRB-ja për të identifikuar dobësitë dhe për të matur qëndrueshmërinë e tyre ndaj sulmeve.

"ESRB-ja do të shqyrtojë se cilat mjete të politikave operacionale janë më efektive në përgjigjen ndaj një incidenti kibernetik në të gjithë sistemin dhe do të identifikojë boshllëqet midis mjeteve të politikës operative dhe financiare”, thuhet më tej në këtë raport.

ESRB-ja, e cila përbëhet nga bankat qendrore të BE-së dhe mbikëqyrësit e kujdesshëm, fokusohet kryesisht në rrezikun financiar, por ajo e zgjeroi fushën e analizës së saj në infrastrukturën e përdorur nga bankat dhe institucionet e tjera.