Rrjeti social Twitter po përpiqet t’ua ndalojë njerëzve shpërndarjen e artikujve që s’i kanë lexuar, në një eksperiment me të cilin kompania shpreson se do të promovojë “diskutimet me informata” në rrjete sociale.
Në këtë test, të nisur te disa pajisje Android, kompania po pyet përdoruesit nëse me të vërtetë duan ta shpërndajnë një artikull, pa klikuar fare në të fillimisht.
“Shpërndarja e një artikulli mund të nxisë debat, kështu që ju ndoshta dëshironi ta lexoni para se ta shpërndani”, ka thënë Twitteri në një njoftim. “Për të ndihmuar promovimin e diskutimit me informacione, ne po testojmë një opsion në Android – kur ju shpërndani një artikull të cilin nuk e keni hapur në Twitter, ne do t’ju pyesim nëse dëshironi ta hapni fillimisht”.
Problemi i shpërndarjes së artikujve pa i lexuar artikujt, nuk është i ri. Një studim i 2016-s, i shkencëtarëve të Universitetit Columbia dhe Microsoftit kishte gjetur se 59 për qind e linqeve të postuara në Twitter nuk klikohen fare.
-
Facebooku do t’i shtyjë përdoruesit ta lexojnë një artikull para se ta shpërndajnë
-
Twitteri tenton të eliminojë “screenshotat” me një metodë të re
-
Twitteri teston ndryshimin e madh
-
Twitteri do të marrë masa për përmbajtjet dezinformuese mbi luftën në Ukrainë
-
Twitteri teston një funksionalitet të ngjashëm me Instagramin