Telefoni mund të jetë pasaporta juaj e radhës

Telefonat celularë janë kryesisht pajisje të personalizuara dhe në disa situata ata tashmë mund të përdoren edhe si mjete identifikimi.

Shumë kompani të njohura të telefonave dëshirojnë që ky segment të rritet në një nivel të ri, duke sugjeruar që të njëjtit të përdoren edhe si pasaporta. Është padyshim një ide interesante, ku përdoruesit do të jenë në gjendje të ruajnë gjithë informacionin e tyre në një pajisje, por pyetja mbetet se si funksionon siguria për modelet e tilla.

Meqë telefonat e mençur janë të ndjeshëm ndaj hakerëve, keqdashësve, vjedhjeve dhe të tjerave, pyetja është nëse ka kuptim të përdorim diçka të ndjeshme si pasaporta.