Kompania japoneze Seven Dreamers ka krijuar një pajisje e cila palos rrobat, e quajtur Laudroid. Pajisja është me një forme dollapi të gjatë.
Rrobat vendosen në një sirtar në fund të saj, merren nga dy krahë robotike dhe palosen, teksa Inteligjenca Artificiale njeh llojin e veshjes.
“Për këtë t-shirt, AI mat gjatësinë dhe gjerësinë për të përcaktuar çfarë duhet të palosë, në cilin drejtim duhet ta palosë, ku është pozicioni i qafës dhe për ta parë nëse është para apo pas”, thotë administratori i Seven Dreamers, Shin Sakane, transmeton tch.
Laundroid organizon rrobat edhe sipas anëtarëve të familjes apo llojit të tyre. I lidhur me Wi-Fi vjen me një aplikacion që gjurmon gjithçka që ndodh duke krijuar një pamje virtuale të dollapit. Procesi është ende shumë i ngadaltë, pasi i duhen 5 orë për një proces të plotë, ndërkohë që nuk palos çorapet. Porositë e hershme nisin këtë vjeshtë dhe kjo pajisje fillimisht do të jetë në dispozicion në Japoni, SHBA dhe një pjesë të Kinës për vetëm 16 mijë dollarë.
This robot folds your laundry automatically. ???https://t.co/xGpKMWmb2o pic.twitter.com/7ZxxgkMSBV
— CNBC (@CNBC) July 18, 2018