Samsung sjell televizorin Cinema 406 inç

Kompania jugkoreane Samsung ka sjellë së fundi televizionin e ri 406 inç Cinema me ekran LED.

Pajisja e re ka diagonalen e ekranit prej 10,3 metrash dhe nuk është e dedikuar për përdorim shtëpiak, por për salla të kinemave, ku pritet të zëvendësojë projeksionet klasike.

Ekrani vjen me rezolucion 4K (4,096 x 2,160 piksel), kualitet HDR dhe ka ndriçim deri 146 fL, që sipas Samsungut, është dhjetë herë më shumë se sa projeksionet standarde të teknologjisë, transmeton kp.

Po ashtu, televizioni ka ngjyrën e zezë të thellë të fotografisë, ngjyrën e bardhë precize dhe ngjyra të shkëlqyeshme.

Ndriçimi shtesë mund të jetë i dobishëm për riprodhimin e filmave 3D, të cilët shpesh duken të mjegulluar në kinema për shkak të syzave të polarizuara.

Si pjesë shtesë e kualitetit të fotografisë, Samsung ka bashkëpunuar me njësinë JBL të Harman në teknologjinë e zërit, e cila përbëhet nga mikrofonat e vendosur përreth ekranit, teknologjisë për procesimin e zërit dhe "Sculpted Surround", i cili mundëson riprodhimin dramatik të zërit.

Edhe Reklama 2 muaj më parë Atmosfera e stadiumit drejt e në sallonin tuaj: Magjia e Samsung OLED Glare-Free

Ekrani është prezantuar në kinemanë Lotte në Korenë Jugore dhe thuhet se paraqet ekranin e parë komercial LED për kinema.

Samsung thekson se televizori mund të jetë shumë i qëlluar edhe për ngjarje të korporatave, konferenca, përcjelljen e sportit dhe lojëra, derisa shikimi i filmave do të ofrojë një përvojë krejtësisht të re.

Tash për tash nuk dihet çmimi i televizorit.