Gjatë pesë gjeneratave të fundit të telefonave të vet, premium Samsungu ka përdorur korniza alumini. Megjithatë, sipas thashethemeve në dispozicion, Galaxy S20 Ultra do të përdorë kornizë nga çeliku i pandryshkshëm, raporton GSMArena.
Informatori Max Weinbach (@MaxWinebach), i cili gjithashtu na mundësoi pamje nga fotografitë e para live për Galaxy S20 Ultra, tani ka zbuluar detaje të reja në Twitter.
Aktualisht, vetëm Apple përdor çelik të pandryshkshëm në telefonat e vet iPhone 11 Pro dhe 11 Pro Max, shkruan KOHA Ditore. Në teori, implementimi i këtij dizajni i zvogëlon gërvishtjet dhe siguron rezistencë dhe qëndrueshmëri më të mirë të telefonit.
Nga ana tjetër, çeliku është më i dendur dhe mund të jetë problem për disa përdorues, duke pasur parasysh që Galaxy S20 Ultra pritet të jetë një pajisje e madhe. Pesha e telefonit me siguri do të tejkalojë 200 gramë.
