Kompania gjigante e teknologjisë është duke punuar për të përmirësuar iPhonet që janë të pajisur me NFC me aftësinë për të zhbllokuar dyert, dhomat e hoteleve dhe makinat, raporton “t3”.
NFC, i pranishëm në iPhone 6 dhe lart, lejon shkëmbime informacionit pa kontakt dhe bën të mundur përdorimin e “Apple Pay” për të paguar për blerjet në dyqane duke e mbajtur telefonin afër një lexuesi të kartës së kreditit, transmeton oranews.
Apple po zgjeron aftësitë e veta në mënyrë që të mund të ndërveprojë në ndërtimin e sistemeve të sigurisë, automjeteve dhe madje edhe lehtësimin e pagesave në masë.
NFC-ja e re do të jetë në gjendje të punojë me aplikacione edhe kur telefoni është i bllokuar. Kjo do të thotë që ju mund të përdorni iPhone tuaj si një çelës dere duke prekur për hyrje, pa pasur nevojë të hapni një aplikacion.
Pritet që Apple të zbulojë këtë risi por edhe shumë më tepër rreth iOS-it në Konferencën e saj Zhvillimore Botërore, WWDC, muajin e ardhshëm.
