Sipas një raporti të ri nga WABetaInfo, WhatsAppi po teston një veçori që do t'i lejojë përdoruesit t'i dërgojnë mesazhe vetes në një mënyrë më të lehtë. Disa përdorues pëlqejnë ta bëjnë këtë për t'i kujtuar vetes ose për të ruajtur të dhëna të rëndësishme.
Aktualisht, ju mund t'i dërgoni mesazhe vetes në WhatsApp duke përdorur wa.me (Click to Message link) ose duke krijuar një grup ku jeni i vetmi anëtar. Megjithatë, këto nuk janë mënyrat më të duhura për t'i dërguar një mesazh vetes.
Dërgimi i mesazheve te vetja është i dobishëm nëse doni të transferoni disa skedarë midis pajisjeve ose të ruani mesazhe të rëndësishme për dërgim të mëvonshëm.
Karakteristika e përmendur u vu re në versionin beta të WhatsApp v2.22.24.2 të versionit Android të aplikacionit.
Përveç kësaj, WABetaInfo vë në dukje se disa përdorues të përzgjedhur tashmë kanë qasje në veçorinë " Message yourself". Këtu WhatsAppi ka shtuar një opsion në chat "Me" për t'i dërguar një mesazh vetes.
