Redmi 7A në Evropë do të kushtojë rreth 100 euro

Xiaomi Redmi 7A është prezantuar në dy raste, fillimisht u prezantuan specifikimet e telefonit, dhe pastaj çmimi dhe disponueshmëria e tij. Telefoni u paraqit për herë të parë në Kinë, por tani ka filluar të shfaqet edhe në listingjet e shitësve evropianë me pakicë, raporton GSMArena.

Redmi 7A është anëtari më i volitshëm i familjes Redmi, dhe karakterizohet nga çipseti Snapdragon 439, si dhe hapësira për ruajtje prej 16GB ose 32GB. Në pjesën e pasme telefoni e ka një kamerë, ndërsa në pjesën e përparme e ka gjithashtu një kamerë në kornizën e sipërme.

Pajisja nuk ka sensor të gjurmëve të gishtërinjve, ndërsa karakteristika kryesore e shitjes është sigurisht bateria e madhe prej 4000mAh, shkruan KOHA Ditore.

Pritet që çmimi për telefonin Xiaomi Redmi 7A në Evropë të jetë rreth 100 euro. Data zyrtare e lansimit në tregun evropian ende nuk është publikuar, por pritet që kjo të ndodhë gjatë korrikut.