Realme C3 do të prezantohet në fillim të shkurtit

Informacionet në lidhje me telefonin Realme C3 po qarkullojnë tash ca kohë, ndërsa tani dihet se telefoni do të prezantohet më 6 shkurt dhe ngjarja do të transmetohet drejtpërdrejt, raporton GSMArena.

Kompania nuk i ka zbuluar zyrtarisht specifikat e telefonit C3, por ftesa për prezantim zbulon se pajisja do të ketë ekran me vrimë në formë të pikëzës dhe një sistem me dy kamera të vendosura vertikalisht në pjesën e pasme. Është konfirmuar edhe ngjyra e kaltër e telefonit, shkruan KOHA Ditore.

Realme aktualisht është duke e përdorur moton "argëtimi superstar" për telefonin, gjë që sugjeron që C3 do të ketë bateri më të madhe se paraardhësi i tij. Disa e presin edhe ekranin 1080p, gjithashtu, por pasi që Realme C3 është një model i segmentit më të ulët, nuk ka të ngjarë që kjo të ndodhë.