Punëtorët spanjollë në një qendër logjistike të shitësit gjigant në internet Amazon, e cila qendet në veri të Spanjës, po planifikojnë një grevë tre-ditore përpara festës së Epifanisë më 6 janar, kur fëmijët spanjollë marrin dhurata për pushime, sipas sindikatës së punëtorëve LAB.
Rreth 160 punëtorë në qendrën Trapagaran në vendin bask, në kufirin midis Francës dhe Spanjës, planifikojnë të bëjnë grevë më 3, 4 dhe 5 janar për të kërkuar paga më të larta, tha kreu i sindikatës LAB, Gotzon Mardarat, i cili përfaqëson shumicën e punëtorëve, raportoi të hënën “Reuters”.
Qendra trajton parcelat për vendin bask dhe zonat e Burgos dhe Cantabria.
"Duam rritje pagash në përputhje me inflacionin. Rritje pagash që janë më të larta se parashikimi 3% në vit deri në vitin 2025", tha Mardarati.
Greva e janarit pason një të ngjashme që filloi të shtunën në mesnatë dhe do të vazhdojë deri të hënën. Rreth 90% e punëtorëve të qendrës u larguan, duke vonuar dorëzimin e rreth 20,000 parcelave, sipas udhëheqësit të sindikatës.
-
Azemi: Greva e punëtorëve teknikë të shkollave në Prishtinë do të vazhdojë derisa të dalin pagat
-
Librarët përzënë “Amazonin” nga Panairi i Parisit, shpërthejnë akuzat
-
Amazoni shkurton 16.000 vende pune
-
Blerjet nga Shein, Temu dhe AliExpress bëhen më të shtrenjta në BE, shkak tarifa e re
-
Azemi pyet Kurtin e Muratin për ekzekutimin e 100 eurove për sektorin jopublik