Patenta për helmetën Samsung Odyssey VR duket e pazakontë dhe ofron funksione të avancuara

Patenta e Samsungut është pajisje që mund të jetë pasardhësi i helmetës HMD Odyssey Windows Mixed Reality. Bazuar në skicat nga aplikacioni për patentë, sajti LetsGoDigital ka krijuar renderë me ngjyra të cilat tregojnë se pamja e pajisjes VR mund t’i ngjajë syve të mizës.

Pjesa e përparme e pajisjes i ka dy seksione gjysmë transparente, të ndara në mes. Për momentin nuk dihet nëse ky dizajn u realizua me qëllim ose rastësisht, dhe shpresohet që ndryshimet që patenta do të jenë më funksionale, sesa estetike.

Patenta sugjeron që pajisja tjetër Odyssey VR do të jetë shumë më e fuqishme. Diagrami i zbulon gjithsej katër kamera në pjesën e përparme, dy në secilën gjysmë, shkruan KOHA Ditore. Kjo do ta zgjerojë fushën e shikimit për sistemin e përcjelljes së helmetës, dhe mund ta detektojë potencialisht pajisjen edhe nëse duart e përdoruesit janë zgjatur anash.

Mund të shihet edhe një ridizajnim domethënës i rripave dhe kornizave që e mbajnë helmetën. Si gjithmonë kur bëhet fjalë për patentat, nuk ka asnjë informacion se kur dhe nëse zgjidhja e patentuar do të zbatohet në një produkt konkret.