Kina dëshiron që personeli ushtarak në pension të ndihmojë në rritjen e prodhimit në fabrikën më të madhe në botë të iPhone në Zhengzhou.
Thirrja erdhi nga një Byro e Veteranëve të Ushtrisë Çlirimtare Popullore në të njëjtën krahinë me fabrikën, raportoi BBC.
Prodhimi në fabrikën Foxconn është goditur nga një shpërthim lokal me COVID-19.
Në një letër të hapur të postuar në aplikacionin e mesazheve WeChat, byroja tha se veteranët ishin gjithmonë nën komandën e Partisë Komuniste dhe duhet "të shfaqen aty ku ka nevojë".
Ajo u bëri thirrje atyre që "t’i përgjigjen thirrjes së qeverisë" dhe "të marrin pjesë në rifillimin e prodhimit".
Fabrika në Zhengzhou, qytet me 10 milionë banorë, punëson mbi 200,000 punëtorë dhe prodhon 70% të iPhoneve në botë – rreth 500,000 në ditë.
Edhe
Foxconn kërkon falje për gabimin lidhur me pagat në fabrikën më të madhe të iPhonet në botë
Vala me COVID në Kinë në fillim të vitit pati detyruar mbylljen e përkohshme të disa fabrikave të Foxconnit.
Në mënyrë që të vazhdojë prodhimi, fabrika kishte bërë një strategji të veten që nga fillimi i 2022-s.
Secili punëtor që rezultonte pozitiv dërgohej në qendrat e karantinimin brenda fabrikës.
