Smartfoni i avancuar i ardhshëm i kompanisë së njohur kineze Meizu, Pro 7, pritet të lansohet nesër dhe kohëve të fundit ka qenë temë e spekulimeve por shumica e gjërave për këtë smartfon ende nuk janë zbuluar.
Sot, është shfaqur një fotografi e cila ka zbuluar pothuajse çdo gjë në lidhje me Meizu Pro 7, transmeton Koha.net. Sipas fotografisë, Pro 7 do të vijë në dy versione.
Njëri do të ketë procesor Helio P25 SoC, 4 GB RAM memorie dhe 64 GB memorie të brendshme, ndërsa tjetri me procesor Helio X30, 4 GB RAM memorie dhe 128 memorie të brendshme.
Të dy versionet e Pro 7 do të vijnë me trup nga metali dhe ekran kryesore prej 5.2-inç dhe atë sekondar prej 1.9-inç.
Në pjesën e pasme gjenden dy kamera me nga 12 megapikselë, ndërsa ajo për selfie është prej 16 megapikselë.
Dy veçoritë tjera që u zbuluan në këtë fotografi janë teknologjia e kompanisë mCharge për karikim të shpejtë të baterisë dhe sistemi operativ Android Nougat 7.0 i bazuar në Flyme 6.
-
Pse Samsung Galaxy S26 është një smartphone që ia vlen të merret në konsideratë?
-
Apple përgatit katër modele të iPhoneit këtë vit
-
Më në fund lansohet iPhone i ri: gjithçka që duhet të dini
-
Apple për pak ditë lanson telefonin e ri: Gjithçka që dihet për modelin e veçantë
-
Zbuloni Samsung Galaxy S25: Tre modele, një eksperiencë e jashtëzakonshme