Telefonat, tabletët dhe orët inteligjente do të ndalohen kryesisht nga klasat në Holandë nga 1 janari 2024, ka thënë qeveria holandeze, në një përpjekje për të kufizuar shpërqendrimet gjatë mësimeve, shkruan The Guardian.
Pajisjet do të lejohen vetëm nëse nevojiten posaçërisht, për shembull gjatë mësimeve mbi aftësitë digjitale, për arsye mjekësore ose për personat me aftësi të kufizuara.
“Edhe pse telefonat janë të ndërthurur me jetën tonë, ata nuk i përkasin klasës”, ka thënë ministri i Arsimit, Robbert Dijkgraaf.
“Studentët duhet të jenë në gjendje të përqendrohen dhe duhet t'u jepet mundësia për të studiuar mirë. Telefonat janë shqetësim, tregojnë kërkimet shkencore. Ne duhet të mbrojmë studentët nga kjo”, ka thënë ai.
Ndalimi është rezultat i një marrëveshjeje midis ministrisë, shkollave dhe organizatave.
Nëse ndalimi nuk zbatohet, sipas Dijkgraaf, do të ndiqen procedurat ligjore.