Gjatë tremujorit të katërt të vitit 2022, dërgesat globale të telefonave ranë për 18.3 për qind, me 300.3 milionë pajisje të dërguara, thuhet në raportin e IDC Smartphone Tracker të shtunën.
Të pesë markat më të mëdha në tregun e telefonave shënuan humbje dyshifrore në bazë vjetore krahasuar me tremujorin e katërt të vitit 2021. Rezultatet e përmendura përfaqësojnë rënien më të madhe tre mujore që nga viti 2013.
Gjithsej 1.21 miliardë telefona u dërguan në të gjithë vitin 2022, krahasuar me 1.36 miliardë të dërguar më 2021.
Gjatë tremujorit të katërt, Apple kryesoi dërgesat me 72.3 milionë iPhone të dërguar dhe një pjesë tregu prej 24.1 për qind.
Pasohet nga Samsungu me 58.2 milionë telefona të dërguar (19.4 për qind pjesë e tregut), e ndjekur nga Xiaomi me 33.2 milionë telefona të dërguar. Në vendin e katërt dhe të pestë janë Oppo dhe Vivo.
Analistët e IDC-së sugjerojnë se rritja e inflacionit është arsyeja kryesore për rënien e dërgesave të telefonave, si dhe uljen e shpenzimeve të konsumatorëve.
Për më tepër, përdoruesit tani po mbajnë më shumë pajisje të vjetra, kështu që cikli i tregtisë dhe blerjes për pajisjet e reja tani është rritur në 40 muaj (3.3 vjet) për disa përdorues.
© KOHA. Të gjitha të drejtat janë të rezervuara.
