Netflixi është bashkuar me Microsoftin për të ofruar një plan abonimi më të lirë për klientët që do të shfaqin reklama.
Gjiganti i transmetimit ka thënë se shërbimi do të jetë shtesë e planit ekzistues, i cili nuk përfshinte reklamuesit, raportoi BBC të enjten.
Në prill, aksionet e Netflixit ranë pasi raportoi humbjen e parë të abonentëve në më shumë se një dekadë.
Muajin e kaluar, shefi Ted Sarandos, tha se kompania është në biseda me bizneset e tjera për të gjetur mënyra për të tërhequr audiencat e ndjeshme ndaj çmimeve.
Kompania ende nuk ka zbuluar sa planifikon të jenë çmimet për shërbimin e ri.
Të enjten, Netflixi ka thënë se ka zgjedhur Microsoftin si partnerin e tij teknologjik të reklamave për të prezantuar një “plan abonimi të mbështetur nga reklamat me çmim më të ulët”.
Netflixi nuk ka dashur kurrë reklama. I tërë modeli biznesor i tij është ndërtuar rreth abonimeve mujore. Megjithatë drejtuesve të tij i është dashur të dalin nga korniza e rregullave të veta.
Kjo erdhi pas të dhënave që treguan se kompania po humbiste abonues.
