Kompanitë teknologjike si Apple, Google dhe Microsoft kanë premtuar të ndihmojnë në forcimin e sigurisë kibernetike të SHBA-së, pas një takimi me presidentin Joe Biden në Shtëpinë e Bardhë. Premtimet ndryshojnë sipas kompanisë, por ato çojnë në shpenzimin e miliardave në infrastrukturën kibernetike.
Takimi i profilit të lartë me krerët e kompanive vjen pas sulmeve të mëdha kibernetike kundër agjencive qeveritare amerikane dhe infrastrukturës energjetike.
"Realiteti është, shumica e infrastrukturës sonë kritike zotërohet dhe operohet nga sektori privat, dhe qeveria federale nuk mund ta përballojë këtë sfidë e vetme," tha Biden.
Apple ka thënë se do të ofrojë trajtime të reja për sigurinë, reagimin ndaj incidenteve dhe përmirësimin në cenueshmërisë. Amazon planifikon të ofrojë trajnimin e ndërgjegjësimit të punonjësve të kompanisë në dispozicion të publikut pa asnjë kosto, raporton TheVerge.
Google tha se do të shpenzojë më shumë se 10 miliardë dollarë gjatë pesë viteve të ardhshme për të forcuar sigurinë kibernetike amerikane dhe zinxhirin e furnizimit me softuer. Google gjithashtu premtoi të trajnojë më shumë se 100,000 amerikanë në analizën e të dhënave dhe mbështetjen e TI-së. Microsoft tha se do të investonte 20 miliardë dollarë në pesë vjet, duke bërë premtime të ngjashme me Google.
