Nis hetim ndaj përdoruesve të “Counter Strike” për gara të paligjshme
Autoritetet australiane dhe ato amerikane po kryejnë një hetim ndaj një grupi për organizim të paligjshëm të garave në Counter Strike.
Komisioni i lojërave online “ESIC” po punon me FBI-në për ta gjurmuar grupin. Pretendimet përfshijnë pranim të ryshfetit nga grupe të bastoreve për manipulim të garave.
Ian Smith, zyrtar i “ESIC” ka deklaruar se kanë punuar me FBI-në jo vetëm për t’i investiguar lojtarët që kanë qenë pjesë e garave individualE por edhe grupet e tjera të përfshira, njofton BBC.
Smith i përshkroi garuesit “manipulues” si “idiotë”. Counter Strike është ndër lojërat më aktive dhe më të popullarizuara mbarë botën. Ajo posedon disa versione dhe u lejon garuesve të luajnë si individualisht ashtu edhe në grupe.
