Gjiganti teknologjik, Google, ka kërcënuar se do ta largojë motorin e kërkimit nga Australia nëse qeveria vazhdon me planet që t’i detyrojë gjigantët teknologjikë të paguajnë për përmbajtjet e lajmeve.

Australia synon të bëhet vendi i parë në botë që detyron Googlen, Facebookun dhe kompani të tjera të mëdha të paguajnë për përmbajtjet mediatike. Megjithatë, plani po refuzohet ashpër nga gjigantët.

Drejtoresha e Googlet për Australi dhe Zelandë të Re, Mel Silva, ka thënë se një projektligj i propozuar nga Qeveria e Scott Morrisonin për këtë çështje është i pazbatueshëm.

Në një deklaratë para Senatit të premten, Silva ka thënë se “nëse versioni aktual i projektligjit bëhet ligj, nuk na jepet rrugë tjetër pos që ta heqim nga dispozicioni Googlen në Australi”.

Kryeministri australian, Morrison, nuk ka “pranuar t’i komentojë kërcënimet”.