I paralajmëruar që nga muaji nëntor, dhe që pritet të fillojnë dërgesat e tij nga nesër, Razr 2019 i Motorolës po tërheq mjaft vëmendje.
Deri më tani, kemi parë vetëm ngjyrën e zezë “Noir” të kornizës së tij të palosshme por një postim i ri në Twitter i llogarisë “@evleaks” publikoi pamjen e parë të një versioni të tij me ngjyrë ari, shkruan gsmarena.
Ngjyra e re është një ngjyrë interesante, e përzier mes arit dhe bakrit dhe duket se po mbulon vetëm gjysmën e pjesës së poshtme të pajisjes, transmeton Koha.net. Në vitin 2006, Motorola ka bashkëpunuar me shtëpinë italiane të modës “Dolce&Gabbana” për edicionin e kufizuar të modelit Razr V3i me ngjyrë ari, kështu që mund të pritet një bashkëpunim i ngjashëm edhe kësaj here.
Gjithashtu, spekulohet se Motorola mund të jetë duke punuar në version 5G të Razrit të ri por nuk ka asnjë detaj e as se kur mund të pritet një model i tillë.
© KOHA. Të gjitha të drejtat janë të rezervuara.
