Tech

MediaTek planifikon ta lansojë çipin 5G më 26 nëntor

MediaTek planifikon ta lansojë çipin 5G më 26 nëntor

Kompania tajvaneze MediaTek i ka rritur ndjeshëm kohëve të fundit përpjekjet e veta në fushën e çipseteve mobile, me një fokus të qartë në funksionet dhe tregjet specifike. Pas modelit Helio G90, i cili përqendrohet në gaming, kompania e ka përqendruar vëmendjen në mbështetjen 5G në segmentin e sipërm dhe të mesëm të tregut, raporton GSMArena.

Sipas roadmapit të mëparshëm të kompanisë, çipat e parë 5G të bazuara në modemin Helio M70 priten gjatë tremujorit të parë të vitit të ardhshëm. MediaTek tani e ka planifikuar zyrtarisht prezantimin për 26 nëntor, gjatë së cilës ngjarje pritet prezantimi i çipsetit të parë 5G të kompanisë. Është ofruar edhe fotografia e çipit, por nuk ka detaje mbi veçoritë e tij harduerike.