Smartfoni i palosshëm i Xiaomit është zbuluar në një video nga vetë kompania.

Krijuesi e presidenti i Xiaomit, Lin Bin ka postuar një video 1 minutë të gjatë në Weibo, ku ka shfaqur telefonin e palosshëm të tyre, transmeton koha.net.

Dy anët e telefonit mund të kthehen prapa e para, duke e kthyer atë nga tableti në smartfon dhe anasjelltas.

Ndryshe nga telefonat e palosshëm që janë parë deri më tani, ky duket shumë më praktik.

Xiaomi nuk ka ofruar detaje të shumta për këtë smartfon, por Bin ka zbuluar se pajisja në video është thjesht një model në zhvillim.