Përbërësit:
2 kg nektarina
1 limon
3 molla
Përgatitja:
Së pari pemët pastrohen mirë dhe i lëmë të qëndrojnë në ujë, me 1 lugë sodë bikarbonati për 20 minuta. Pemët pastaj shpërlahen mirë dhe u largohen bërthamat. Më pas priten në katër ose më shumë pjesë. Të gjitha vendosen në tenxhere jongjitëse dhe u shtohet lëngu i një limoni. Masa më pas lihet për t’u zier ngadalë derisa të trashet. Në fund, masa e fituar vendoset në kavanoza të sterilizuar. Kavanozat mbyllen mirë dhe rrotullohen në anën e kundërt, në të cilën pozitë lihen të qëndrojnë 24 orë.
