Xhudisti Arbër Kullashi ka arritur të rrëmbejë medaljen e bronztë grupmoshën e kadetëve U18 në “Koroshka Open 2017”, që po zhvillohet në këtë qytet slloven.
Lajmin e ka bërë të ditur përmes një postimi në Facebook trajneri i mirënjohur, Driton Kuka, i cili ka konfirmuar se në luftë për medaljen e bronztë Kullashi e kishte mposhtur me Ippon sllovenin, Meciloshek, transmeton Koha.net.
“Abi sot ishte i shkëlqyeshëm në turneun më të fortë për të rinj në Evropë. Në luftën e parë sot ai e mposhti austriakun, Herman, mandej në të dytën izraelitin Garbash, e në të tretën gjeorgjianin, Gviniashvili, dhe në çerekfinale rusin Shaipov. Kurse humbi gjysmëfinalen ndaj kazakut, Abulay, e për medalje të bronztë e mposhti me Ippon sllovenin, Meciloshek”, ka shkruar Kuka.
Ai ka vlerësuar performcanën e Kullashit, duke thënë se është shumë premtues.
“Performancë e mirë dhe premtuese e Abit në grupmoshën e kadetëve U18. Nesër garojnë edhe disa garues tonë në këtë turne. Me këta garues udhëtoi trajneri Cuki Veseli i klubit Sankaku, që është edhe trajner asistent i reprezentacionit”, ka thënë Kuka.
-
Kuka mposht xhudistin serb për medalje të bronztë në Kupën Evropiane
-
Flaka Loxha fiton medalje të bronztë në Evropianin U23
-
Kullashi ndalet në luftën e dytë, Kuka ankohet në referim
-
Xhudisti kosovar fiton medaljen e bronztë në Poloni
-
Xhudisti Arbër Kullashi i argjendtë në Itali, lëndohet Shpat Zekaj