UEFA do të ndajë një çmim zyrtar të lojtarit më të mirë të ndeshjes në çdo përballje të fazës nokaut të Ligës së Kampionëve. Lajmin e ka bërë të ditur UEFA në faqen e saj zyrtare të hënën.
Mbikëqyrësit Teknik të UEFA-s në çdo ndeshje të fazës nokaut të Ligës së Kampionëve do të vendosin se kush meriton çmimin e lojtarit të ndeshjes, ku trofeu do t’i dorëzohet çdo lojtari pas përfundimit të ndeshjes.
Mbikëqyrës janë ish-futbollistët dhe po ashtu trajnerët si Packie Bonner, Cosmin Contra, Aitor Karanka, Robbie Keane, Roberto Martinez , Gines Melendez, Phill Neville, Willi Ruttensteiner e Gareth Southgate.
