Tenistja e famshme amerikane Serena Williams e ka shtyrë pensionimin e saj së paku edhe për disa ditë.
Serena Williams 41-vjeçare të mërkurën mbrëma mposhti bartësen numër dy Anett Kontaveit në rrethin e dytë të Grand Slamit “US Open”.
Williams, që është aktualisht e 605-ta në botë, mposhti estonezen Kontaveit me 2:1 në sete (6:7, 6:2, 6:2).
Williams kishte njoftuar se do të pensionohet pas “US Openit”. Ajo në rrethin e tretë të “US Openit” do të përballet me australianen Ajla Tomljanoviq të premten.
“Nuk kam pse nxitohem. Ende kam fuqi”, ka thënë Williams, që i ka fituar 23 Grand Slame në konkurrencë individuale.
