Përballja gjysmëfinale e Kupës së Kosovës ndërmjet Trepçës dhe Prishtinës nuk ka kaluar pa incidente ndërmjet tifozëve.
Në palestrën “Minatori” gjatë ndeshjes tifozët e Prishtinës “Plisat” dhe “Torcidat” e Trepçës kishin hedhur gjësende të forta ndaj njëri-tjetrit, duke bërë kështu që tifozët nga kryeqyteti të largohen nga salla.
Por, sherri nuk kishte përfunduar aty, pasi “Plisat” janë sulmuar edhe pas ndeshjes. Koha.net ka siguruar pamje të autobusit të “Plisave”, i cili shihet se ka xhamat e thyera, ndërsa nuk dihet nëse ka të lënduar.
Prishtina arriti të mposhtë Trepçën me rezultat 50-56, për t’u kualifikuar në finale të Kupës, ku e pret Peja.
