Suedia me rikthim mposhti “Furinë e Kuqe” dhe ia ndali serinë e 66 ndeshjeve pa humbje në kualifikime të Botëroreve.
Carlos Soler i dha avantazhin e hershëm spanjollëve në Stokholm në minutën e 5-të, në ndeshjen e tij debutuese.
Por vetëm 12 sekonda pasi rinisi loja, Alexander Isak shfrytëzoi gabimin e mbrojtjes vizitore dhe barazoi rezultatin.
Viktor Claesson e kontrolloi pasimin e Dejan Kulusevskit në minutën e 57-të, dhe shënoi për golin e fitores.
Herën e fundit në kualifikime të Botërorit, Spanja ishte mposhtur në mars të vitit 1993 nga Danimarka në Kopenhagë.
Që atëherë, Spanja i ka fituar 52 ndeshje kualifikuese dhe ka barazuar në 14 ndeshje tjera.
Edhe
Spanja dominon ndaj Austrisë dhe avancon tutje
Suedia me fitore merr kryesimin në Grupin B me nëntë pikë nga tri ndeshje.
Spanja ka shtatë pikë nga katër ndeshje. Rrezikon të luajë në plejof për një vend në Botërorin 2022, pasi vetëm fituesi i grupit kualifikohet automatikisht.
