Manchester City ka marrë goditje të rëndë para derbit ndaj Manchester Unitedit.
City i Pep Guardiolës është eliminuar në çerekfinale të “Carabao Cup”, pasi të mërkurën mbrëma, u mposht në udhëtim te Southamptoni me rezultatin 2:0.
Të dy golat e Southamptonit në ndeshjen e zhvilluar në “St. Mary’s Stadium”, u shënuan në pjesën e parë.
Sulmuesi francez, Sekou Mara, e konvertoi në gol aksionin e mirë të ndërtuar në minutën e 23-të.
Gol të bukur realizoi edhe Moussa Djenepo pesë minuta më vonë, me gjuajtje të saktë nga distanca.
City u mundua deri në fund të kthehej në lojë, por nuk arriti të shënonte asnjë gol.
