Ish-kapiteni dhe ish-përzgjedhësi i Ukrainës, Andriy Shevchenko, është emëruar president i ri i Federatës së Futbollit të Ukrainës. Shevchenko, kandidati i vetëm për president, u votua unanimisht në Kiev të enjten, duke marrë mbështetjen e 93 kandidatëve.
47-vjeçari e zëvendëson në këtë post Andriy Pavelkon, anëtarin e Komitetit Ekzekutiv të UEFA-s, i cili ka qenë në këtë rol prej vitit 2015. Shevchenko do të jetë në krye të Federatës ukrainase për pesë vjet. “Po e nis rolin e ri si President i Federatës së Futbollit të Ukrainës.
Një sfidë dhe përgjegjësi e madhe është para meje – ta zhvillojë futbollin ukrainas në kohën më të vështirë të historisë së Ukrainës”, ka shkruar Shevchenko në platformën “X”. Shevchenko ka qenë ish-futbollist i Milanit, Chelseat dhe Dinamo Kievit. Ai është golashënuesi më i mirë i Përfaqësueses së Ukrainës me 48 gola në 111 ndeshje. U pensionua në vitin 2012, ndërsa në vitin 2004 ishte fitues i “Topit të Artë”.
-
Pas protestave, Zelensky shkarkon komandantin e përgjithshëm të ushtrisë ukrainase
-
Ministri i shkarkuar nga Zelensky flet për tensionet mes tij dhe komandantit të përgjithshëm të ushtrisë
-
Zelensky shkarkon ministrin e Mbrojtjes, shpërthejnë protestat në Ukrainë
-
Parlamenti i Ukrainës zgjedh Serhii Koretskyi kryeministër të ri të vendit
-
Dorëhiqet kryeministrja ukrainase pasi Zelensky njoftoi riorganizim të qeverisë