Hamdi Salihi ka shënuar golin e tij të 14, në Bundesligën e dytë të Austrisë, për skuadrën e tij Neustadt.
Shkodrani përfitoi nga një rrëmujë në hyrje të zonës dhe shënoi golin e vetëm të takimit, atë me vlerë 3 pikëshe për Neustadt.
Hamdi Salihi u rikthye këtë verë në Austri dhe po tregon së pavarësisht moshës, është në një formë të shkëlqyer dhe me golat e tij, po ndihmon Neustadt-in të rikthehet në Bundesligën 1, të Austrisë.
