Yulimar Rojas është përkujdesur për medaljen e parë të artë për Venezuelën në një botëror të atletikës, kur fitoi të hënën mbrëma garën e kërcimit trehapësh në konkurrencë të femrave, duke mposhtur për vetëm dy centimetra kolumbianen dhe kampione olimpike Caterine Ibarguen.
Fitorja e 21-vjeçares u bë vetëm një ditë pasi Venezuela kishte fituar medaljen e parë në një botëror të atletikës, kur Robeilys Peinado doli e bronztë në kërcim me purtekë, përcjell Koha Ditore shkrimin e Reuters.
"Çfarë krenarie e madhe të shohësh fitoren e Yulimar Rojasit, një atlete madhështore e gjeneratës së artë", ka shkruar në “Twitter” presidenti i Venezuelës, Nicolas Maduro, vendi i të cilit është zhytur në një krizë ekonomike dhe kushtetuese.
Kolumbiania Ibarguen, që ka dominuar garën në vitet e fundit dhe fitoi të artën olimpike në "Rio 2016" para Rojasit, dështoi që të fitojë titullin e botës për herë të tretë rresht...(më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.