Werder Bremeni i Milot Rashicës ka pësuar humbje të thellë në shtëpi në kuadër të xhiros së 19-të në Bundesligë.
Ekipi i yllit kosovar u mposht 3 me 0 nga Hoffenheimi. Davy Klaasen realizoi gabimisht në portën e tij për t’i dhënë epërsinë mysafirëve në minutën e 65-të, para se Christop Baumgartner e Sergis Adamyan të shënonin për të vulosur fitoren.
Rashica u paraqit për 90 minuta në këtë ndeshje.
Werderi është i 16-i në tabelë dhe është i pozicionuar në pozitën që çon në barazh për mbijetesë. Pas 19 ndeshjeve, kjo skuadër ka vetëm 17 pikë të tubuara.
