QPR-ja kërkon kthimin e fatit përmes artit mistik "feng-shui"

Skuadra angleze QPR, që ka përjetuar vështirësi në edicionet e fundit në Championship, po beson se u ka dhënë fund këtyre vuajtjeve dhe se në edicionin e ri, do të rikthehet fuqishëm. Arsyeja për këtë besim është se klubi i është kthyer artit mistik "feng-shui" për të kthyer fatin, i cili sipas zyrtarëve të klubit ua ka kthyer shpinën, shkruan sot Koha Ditore.

Pronarët e klubit londinez që janë nga Malajzia, kanë angazhuar liderë shpirtërorë për të ndryshuar fatin e ekipit dhe njëherësh për të përmirësuar harmoninë në mjedisin e futbollistëve.

QPR-ja po shpreson se me ritualet e bëra, ekipit dhe stadiumit "Loftus Road" i është kthyer energjia pozitive që do të jetë faktori kryesor për rezultatet pozitive në edicionin e ri të kategorisë së dytë të Anglisë. QPR-ja në edicionin e fundit, është renditur në pjesën e poshtme të tabelës me gjithë investimet e bëra.

(Më gjerësisht mund të lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.