Mesfushori Bastien Toma ka realizuar gol për Zvicrën U21 ndaj Azerbajxhanit në kualifikimet për Euro 2021, në ndeshjen ku për helvetikët u paraqitën edhe katër shqiptarë të tjerë.
Toma realizoi golin e parë për Zvicrën në fitoren 2:1. Azerbajxhani kaloi i pari në epërsi në minutën e 22-të. Zvicra u kthye me golin e Tomës në minutën e 49-të, ndërsa fitoren ia siguroi në minutat shtesë Filip Stojilkoviq.
Nga minuta e parë te Zvicra u paraqitën edhe Kastriot Imeri, Toni Domgjoni dhe Andi Zeqiri, ndërsa Nedim Bajrami u inkuadrua në pjesën e dytë.
Zvicra i prin Grupit 2 kualifikues me 27 pikë pas nëntë ndeshjeve, duke mbajtur bilancin e qindpërqindtë.
