Të shtunën janë marrë vendime tjera për shtyrje të ngjarjeve sportive për shkak të pandemisë së koronavirusit.
Është shtyrë kampionatin evropian i çiklizmit, që është dashur të mbahet në shtator në provincën italiane Trentino. Unioni Evropian i Çiklizmit e ka shtyrë ngjarjen për një vit.
“Për shkak të situatës së vështirë që ka prekur gjithë botën, Evropiani që është dashur të mbahej prej 9 deri më 13 shtator në Trentino, do të shtyhet për vitin 2021. Do të mbahet në qytetin e njëjtë”, thuhet në njoftim.
Ngjarjet e çiklizmit janë shtyrë deri më 1 gusht, ndërsa Tour de France pritet të mbahet prej 29 gushtit deri më 20 shtator.
Po të shtunën janë anuluar të gjitha ngjarjet dhe garat e pingpongut që është dashur të mbahen deri në fund të korrikut.
“Periudha e suspendimit të të gjitha ngjarjeve të ITTF-së është vazhduar deri në fund të korrikut të vitit 2020. Situata po përcillet nga afër për një fillim eventual të ngjarjeve në gusht të vitit 2020”, thuhet në njoftimin e Federatës Ndërkombëtare të Pingpongut.
