Së paku nëntë lojtarë të rinj kubanë kanë ikur gjatë një turne në Meksikë, kanë njoftuar autoritetet, që është ikja më e madhe e sportistëve kubanë në vitet e fundit, raporton BBC.
Autoritetet kubane kanë thënë se veprimet e lojtarëve gjatë Kupës së Botës pëër U-23 ishin “braktisje e poshtër”.
Pjesa tjetër e ekipit, që ishte përbërë nga 24 lojtarë, u kthye të hënën.
Sportistët kubanë kanë një histori të ikjeve duke marrë pjesë në turne jashtë.
Bejzbollistët shpesh largohen për të firmosur kontrata me ekipe e ligës MLB të SHBA-së, pasi marrëdhëniet e acaruara mes SHBA-së dhe Kubës parandalojnë ata që të marrin pjesë në procesin e rregullt të angazhimeve nga klubet.
Në deklaratën e lëshuar nga Instituti Nacional i Kubës për Sport thuhet se nëntë lojtarë kanë qëndruar në Meksikë. Por gazetari i bejzbollit Francys Romero thotë se bëhet fjalë për 12 lojtarë.
Një marrëveshje për të lejuar disa lojtarë kubanë që të nënshkruajnë me klube të MLB-së u anulua nga ish-presidenti i SHBA-së, Donald Trump në vitin 2018, në tentim për t’i bërë presion Qeverisë në Kubë që të implementojë ndryshimet politike. Marrëveshja nënkupton se lojtarët nuk mund të arratisen e largohen nga Kuba në mënyrë të paligjshme.