Ndeshja në Stamboll kthen kujtesën në vitin 1993

Sikur të mos mjaftonin shkrimet “Mirë se vini në ferr” në aeroport, ishte djali i derës në hotel që me veprimin që simbolizonte prerjen së fytit paralajmëroi lojtarët kur mbërritën. Ishin po ashtu edhe telefonatat e planifikuara qëllimisht gjatë natës për të prishur gjumin dhe balta që hidhej në autobusin e klubit që kishte marrë rrugën për në stadium.

Në fund kjo u konfirmua me policinë që grumbulloi lojtarët për ti dërguar drejt zhveshtores, derisa mbanin mburojat e tyre, pas përfundimit të ndeshjes.

Ndeshjen e parë të Manchester Unitedit në Ligën e Kampionëve ndaj Galatasarayt në stadiumin e skuadrës turke, “Ali Sami Yen”, shumë e mbajnë në mend. Tridhjetë vjet më vonë Unitedi është kthyer në Stamboll dhe përsëri lufton për të qëndruar në garë – diçka që nuk arriti ta bënte në vitin 1993.

“Kjo ishte ndoshta atmosfera më frikësuese në të cilën kam luajtur ndonjëherë”, ka thënë mesfushori i atëhershëm i Unitedit, Bryan Robson.

Lojtarët e Unitedit ndoshta menduan se ndeshja në Premier League të dielën kundër Evertonit, të mbushur me pakënaqësi për heqjen e dhjetë pikëve, ishte e vështirë për t’u përballuar. Megjithatë, ndeshja e së mërkurës kundër Galatasarayt premton të jetë po aq - nëse jo më shumë - e zjarrtë.

Edhe Futboll 2 pri 2025 Galatasaray e fiton derbin e tensionuar ndaj Fenerbahçes

Ka shumë gjëra në lojë, si në vitin 1993 kur Unitedi mundi vetëm të barazonte 0:0 dhe u eliminua me golat jashtë fushe pas barazimit 3:3 në “Old Trafford”. Këtë herë humbja do t'u jepte fund shpresave të Unitedit për të arritur në 1/8 e finales, me skuadrën e Erik ten Hagut që ka humbur tri nga katër ndeshjet e para të Grupit A - përfshirë atë në shtëpi ndaj Galatasarayt më 3 tetor.

Unitedi e nis ndeshjen si i fundit në grup me tri pikë, një më pak se Galatasaray dhe Copenhageni. Bayern Munichu me 12 pikë tashmë është kualifikuar si fitues i grupit. Unitedi ka luajtur si mysafir ndaj Galatasarayt dy herë në Ligën e Kampionëve që nga viti 1993, por nuk ishte në të njëjtin rrezik kualifikimi në ato udhëtime. Ish-mesfushori i Unitedit, Mike Phelan tha se lojtarët e vjetër të ekipit duhet të rriten dhe ta tregojnë veten këtë herë.

“Në ndeshje dhe raste të mëdha, ju keni nevojë për lojtarët tuaj të mëdhenj”, tha Phelan, i cili luajti në atë ndeshje në Stamboll 30 vjet më parë. “Mendoj se ju duhet ta kontrolloni lojën sepse nuk mund ta kontrolloni atmosferën. Ndoshta me mbajtjen e topit mund ta heshtni turmën, por është shumë vështirë një gjë e tillë në stadiumin e Galatasarayt. E them këtë nga ajo që kam përjetuar”.

Galatasaray, i cili është i dyti në ligën turke vetëm falë goldallimit, ka në radhët e veta një ish-lojtar të Unitedit, Wilfried Zaha, dhe ka mjaft lojtarë me përvojë në futbollin anglez. Tanguy Ndombele dhe Davinson Sanchez - të cilët kanë luajtur për Tottenhamin - dhe ish-mesfushori i Arsenalit, Lucas Torreira, kanë ringjallur karrierën pas vështirësive në Premier League. Sulmuesit Dries Mertens dhe Mauro Icardi kanë përvojë të madhe në ndeshje të tilla me ish-klubet Napoli dhe Paris Saint-Germain.

Marcus Rashfordi do t'i mungojë Unitedit për shkak të suspendimit, por danezi Rasmus Hojlund është rikthyer nga lëndimi.

Edhe Sport 29 nën 2023 Ndeshje dramatike në Stamboll, Galatasaray barazon në 3:3

United duket se ka marrë veten disi pas një fillimi të dobët të edicionit, duke fituar tri nga katër ndeshjet e fundit - të gjitha në Premier League.

Ndeshja Galatasaray – Manchester United zhvillohet prej orës 18:45.