Ndeshja në mes Liverpoolit dhe Leipzigut mund të luhet në një terren neutral. Kështu të paktën kanë raportuar mediat angleze të martën.
Liverpooli do të takohet në 1/16 e finales të Championsit kundër Leipzigut më 16 shkurt.
Por Qeveria gjermane ka njoftuar se do të ketë kufizime të hyrjeve në Gjermani nga shtetet si Britania e Madhe, Brazili, Portugalia dhe Afrika e Jugut për të parandaluar përhapjen e koronavirusit.
Kjo mund të nënkuptojë që ndeshja të zhvillohet në një vend neutral nëse skuadra e Jurgen Kloppit nuk lejohet të futet në Gjermani për të luajtur në stadiumin “Red Bull Arena”. Një alternativë tjetër është që Liverpooli në ndeshjen e parë të jetë vendas, kurse në atë të kthimit më 10 mars ta luajë në Gjermani.
Artikuj të ngjashëm