Napoli është lider në Serie A. Napoli të dielën mbrëma fitoi derbin ndaj Milanit me shifrat 2:1 dhe doli i pari në tabelë. Ndeshja në San Siro i ka takuar xhiros së shtatë të kampionatit italian.
Matteo Politano shënoi për epërsinë fillestare të Napolit. Ai realizoi nga pika e bardhë në minutën e 55-të. Olivier Giroud barazoi rezultatin në minutën e 69-të. Ndërkohë golin e fitores për Napolin e shënoi Giovanni Simeone në minutën e 78-të.
Napoli i ka 17 pikë, sa edhe Atalanta e vendit të dytë. Milani është i pesti me 14 pikë.
Amir Rrahmani ka kompletuar ndeshjen në qendër të mbrojtjes te Napoli. Mbrojtësi i Kosovës u ndëshkua me karton të verdhë.
Artikuj të ngjashëm