Skuadra nga Bundesliga, Leipzigu, po synon ta rrëmbejë trajnerin Erik ten Hag përpara Manchester Unitedit.
“Bild” ka raportuar të hënën se krerët e Leipzigut tashmë kanë kontaktuar trajnerin holandez, i cili ka paralajmëruar largimin nga Ajaxi në fund të sezonit.
Në fakt, Ten Hag është në negociata të avancuar me Manchester Unitedin, por interesimi i ekipit gjerman në momentet e fundit mund të prishë punë.
Ten Hag te Leipzigu do ta zëvendësonte Domenico Tedescon, i cili nuk ka bindur me punën e tij.
Holandezi 52-vjeçar ka kontratë me Ajaxin deri në vitin e ardhshëm dhe ekipi nga Amsterdami po kërkon të paktën dy milionë euro nga skuadrat e interesuara për Ten Hagun.
