Laurel Hubbard e Zelandës së Re është bërë atletja e parë transgjinore e zgjedhur për të garuar në një Olimpiadë, në një vendim të diskutueshëm.
Zyrtarët e kanë zgjedhur atë për ekipin e ngritjes së peshave të femrave për Lojërat Olimpike ‘’Tokyo 2020’’, pasi kërkesat kualifikuese u modifikuan kohët e fundit.
Ajo kishte konkurruar më herët me burra para se të dilte si transgjinore në vitin 2013.
Kritikët thonë se Hubbard ka një avantazh të padrejtë, por të tjerët kanë argumentuar që të ketë më shumë përfshirje të transgjinorëve në Lojëra Olimpike.
"Unë jam mirënjohës dhe i përulur nga mirësia dhe mbështetja që më është dhënë nga Zelanda të Re", ka thënë Hubbard në një deklaratë të lëshuar nga Komiteti Olimpik i Zelandës së Re të hënën.
Ajo do të garojë në kategorinë e peshëngritjes 87 kg për femra.
43-vjeçari u kualifikua për të garuar në Lojërat Olimpike kur Komiteti Olimpik Ndërkombëtar (IOC) ndryshoi rregullat e tij në vitin 2015 duke lejuar atletët transgjinorë të garojnë si femra nëse nivelet e tyre të testosteronit janë nën një prag të caktuar.
Testosteroni është një hormon që rrit masën muskulore.
