Futbollisti i krahut të djathtë, Çëndrim Kameraj, do të largohet nga skuadra e Dukagjinit të Klinës.
Kameraj, 24-vjeçar, nuk do ta vazhdojë kontratën me skuadrën klinase, ka mësuar KOHA të premten.
Ai në edicionin që përfundoi zhvilloi 25 ndeshje në të gjitha garat.
Ishte i përfshirë edhe në të katër ndeshjet që Dukagjini i zhvilloi në kualifikimet e Ligës së Konferencës.
Dukagjini në rrethin e parë kualifikues të Ligës së Konferencës e eliminoi FC Europan e Gjibraltarit me rezultatin e përgjithshëm, 5:3.
Edhe
Stërviti me Ronaldon, tani Kameraj punon në ndërtimtari
U eliminua nga Rijeka kroate, me rezultatin e përgjithshëm 7:1, në rrethin e dytë kualifikues të Ligës së Konferencës.
Kameraj karrierën e nisi në futbollin zviceran, te të rinjtë e Luzernit, ndërsa më pas ishte pjesë edhe Juventusit U19 e U23.
Pati rastin të stërvitet edhe me yjet e ekipit të parë të Juventusit, prej tyre edhe me Cristiano Ronaldon.
Pati lëndim të rëndë në gju. Para transferimit te Dukagjini i Klinës, luajti edhe me Luganon e Kriensin në Zvicër.
Edhe
Zhegrova nuk udhëton me Juven, ftohet një tjetër shqiptar
Te Dukagjini ishte transferuar në fillim të edicionit të kaluar.
Dukagjini ditë më parë njoftoi edhe për largimin e Ahmed Januzit dhe Dior Zabërgjës
