Juventusi ka fituar bindshëm çerekfinalen e parë të Ligës së Kampionëve ndaj Barcelonës.
“Zonja e Vjetër” mposhti katalonasit me rezultat 3 me 0 në përballjen e parë të zhvilluar në Torino.
Paulo Dybala shënoi dy golat e parë të ndeshjes, në 22 minutat e parë. Ai hapi serinë e golave në minutën e shtatë, për të dyfishuar epërsinë 15 minuta më pas.
Në pjesën e dytë, kur pritej që Barça të rikthehej, në skenë doli Giorgio Chiellini që me kokë trefishoi epërsinë e vendasve, për të vulosur fitoren e kampionit të Series A.
Takimi i kthimit zhvillohet javën e ardhshme në Camp Nou.