Japonia ka stërvitur të shtunë në Doha dhe ka vazhduar përgatitjet për një të tetën e finales në Botëror, për ndeshjen ndaj Kroacisë.
Japonia e Kroacia luajnë të hënën në orën 16:00.
Skuadra e përzgjedhësit Hajime Moriyasu, përfundoi në krye të Grupit E dhe do të luajë kundër finalistes së Botërorit 2018, Kroacisë, që ishte e dyta në Grupin F.
Ndeshja do të zhvillohet në stadiumin “Al Janoub”.
Japonia u eliminua nga Belgjika në një të tetën e finales para katër vjetësh në Rusi.
Japonezët asnjëherë nuk e kanë kaluar këtë raund në Kupën e Botës.
