Manchester City ka avancuar në fazën nokaut të Ligës së Kampionëve. Kampioni në fuqi fitoi pa telashe ndaj Young Boysit të Zvicrës dhe tashmë udhëheq në Grupin G me 12 pikë. Deri në fund kanë mbetur edhe dy xhiro. City i Pep Guardiolas ka fituar të gjitha katër ndeshjet e deritashme.
Ndaj Young Boysit shkëlqeu Erling Haaland që realizoi dy gola. Norvegjezi shënoi për 1:0 në minutën e 23-të. Shënoi nga pika e bardhë. Për 2:0 realizoi Phil Foden në minutën e parë shtesë në pjesën e parë. Ndërkohë Haaland shënoi tjetër gol në minutën e 51-të për 3:0.
Kampioni zviceran mbeti me një lojtar më pak në fushë në minutën e 53-të. Young Boysi mbetet me vetëm një pikë.
