Erling Haaland shënoi një tjetër gol për Norvegjinë të shtunën. Ishte goli i 54-t në këtë edicion në të gjitha garat, duke përfshirë edhe ndeshjet me përfaqësuesen norvegjeze.
Megjithatë, norvegjezi nuk e ka fituar ende zyrtarisht epitetin e golashënuesit më të mirë të këtij edicioni.
Kylian Mbappe është prapa tij në listë, me 53 gola, dhe njësoj si Haalandi ka ende ndeshje për të luajtur me përfaqësuesen e Francës.
Të hënën, Franca luan në udhëtim kundër Greqisë që ende është e pamposhtur në kualifikime të Evropianit.
Lionel Messi dhe Harry Kane kanë mbetur në pozitën e tretë me nga 38 gola të shënuar.
